ფსალმუნები 28:1
უძღვენით უფალს ღვთის შვილნო, უძღვენით უფალს დიდება და ძლიერება.
ფსალმუნები 67:34
აღიარეთ ღვთის ძლიერება; მისი სიდიადე ისრაელზეა და მისი სიძლიერე – ღრუბლებში.
იობი 9:19
თუ ძალაზე მიდგა საქმე, აჰა, ძლიერია იგი, თუ სამართალზე – ვინ მოსთხოვს პასუხს?
იობი 9:4
გულით ბრძენია და ძალით ძლიერი, ვინ გაუჯიუტდა მას და არ დაზიანდა?
ფსალმუნები 146:5
დიადია უფალი და ძლევამოსილი, გონიერება მისი განუზომელია.
იობი 12:16
მასთანაა ძალა და სრული სიბრძნე, ცდუნებულიც მისია და მაცდუნებელიც.
ფსალმუნები 92:1
უფალი მეფობს, სიდიადით შემოსილი; შეიმოსა უფალი და გარს შემოირტყა ძლიერება; დიახ, მტკიცედ დააფუძნა სამყარო და არ შეირყევა.
ფსალმუნები 95:6-7
სიდიადე და ბრწყინვალებაა მის წინაშე, ძალა და მშვენიერებაა – მის საწმიდარში. უძღვენით უფალს, ხალხთა ტომებო, უძღვენით უფალს – დიდება და ძალა.
ფსალმუნები 23:8
ვინ არის დიდების მეფე? უფალი მტკიცე და ძლიერი, უფალი – ომში ძლევამოსილი.
ფსალმუნები 20:13
ამაღლდი შენი ძალით, უფალო! ვუმღერებთ და ვუგალობებთ შენს ძლევამოსილებას.
ფსალმუნები 64:6
მთები დააფუძნე შენი ძალით, ძლიერებით ხარ გარშემორტყმული.
იერემია 50:34
მაგრამ ძლიერია მათი გამომსყიდველი, ცაბაოთ უფალია მისი სახელი, დაჟინებით განიკითხავს იგი მათ საქმეს, რათა მოსვენება მოიტანოს ქვეყანაზე, ხოლო ბაბილონის მცხოვრებნი შეაშფოთოს.
გამოსვლა 15:13
წარმართავ შენი წყალობით ამ ხალხს, რომელიც გამოიხსენი; წინ წაუძეხი შენი ძალით შენს წმინდა სავანეში.
ლუკას 1:51
გვიჩვენა თავისი მკლავის ძლიერება; გაფანტა ამპარტავანნი თავიანთ გულის ზრახვებთან ერთად;
ფსალმუნები 20:1
უფალო, შენი სიძლიერით იხარებს მეფე და შენმიერი ხსნით მოილხენს დიდად.
ეფესელთა 6:10
დასასრულს, ჩემო ძმებო, გამაგრდით უფლით და მისი ძალის სიმტკიცით.
1 კორინთელთა 1:25
რადგან ღვთის უგუნურება ადამიანებზე უბრძენესია, და ღვთის სისუსტე – ადამიანებზე უძლიერესი.
ეკლესიასტე 6:10
რაც კი არსებობს, ყოველივეს ძველთაგანვე დაერქვა სახელი და ცნობილია ვინ არის ადამიანი – თავისზე ძლიერთან დავას ვერ შეძლებს იგი.
გამოცხადება 5:12
დიდი ხმით ამბობდნენ: „ღირსია დაკლული კრავი ძალისა და სიმდიდრის, სიბრძნისა და სიმტკიცის, დიდების, პატივისა და კურთხევის მიღებისა.“
1 კორინთელთა 10:22
ნუთუ ვბედავთ უფლის გამოწვევას? განა მასზე ძლიერები ვართ?
გამოცხადება 18:8
ამიტომ ერთ დღეს მოვა მისი წყლულები, სიკვდილი, გლოვა და შიმშილი, და დაიწვება ცეცხლში, ვინაიდან ძლიერია უფალი ღმერთი, რომელიც განიკითხავს მას.