მთავარი › თემები „ს" › სიბრძნის სწავლება

1. ფსალმუნები 104:22

   რათა თავისი სურვილისამებრ მოქცეოდა მის თავადებს და განებრძნო მისი მოხუცებულნი.

2. იობი 33:33

   და თუ არა - მე მომისმინე, დადუმდი და გასწავლი სიბრძნეს”.

3. ფსალმუნები 89:10

   ჩვენი დღეების რიცხვი სამოცდაათი წელიწადია, ხოლო ჯანმაგრობის დროს - ოთხმოცი წელიწადი; ამათგან კი უმეტესი ჯაფა და წუხილია, რადგან სწრაფად გადის და ჩვენც მივფრინავთ.

4. იგავნი 1:1-7

   იგავნი სოლომონისა, დავითის, ისრაელის მეფის ძისა.  სიბრძნისა და დარიგების შესაცნობად, გონივრული ნათქვამის გასაგებად;  ბრძნული დარიგების, სიმართლის, სამართლისა და სამართლიანობის მისაღებად;  გულუბრყვილოთათვის საზრიანობის, ხოლო ყმაწვილთათვის ცოდნისა და განსჯის უნარის მისაცემად.  მოისმენს ბრძენი და ცოდნას გაიმრავლებს, გონიერი და - დაკვალიანდება;  იგავის, ქარაგმის, ბრძენთა სიტყვებისა და არაკების გასაგებად.  უფლის შიში ცოდნის სათავეა, ბრიყვებს კი სძულთ სიბრძნე და დარიგება.

5. იგავნი 4:7

   სიბრძნის დასაწყისი სიბრძნის მოხვეჭაშია, მთელი შენი ქონებით გონიერება შეიძინე.

6. კოლასელთა 3:16

   უხვად დამკვიდრდეს უფლის სიტყვა თქვენში სრული სიბრძნით; ასწავლეთ და შთააგონეთ ერთმანეთი ფსალმუნით, გალობით და სულიერი სადიდებლებით, და უგალობეთ ღმერთს თქვენს გულებში მადლიერებით.

7. ფსალმუნები 36:30

   მართლის ბაგენი სიბრძნეს წარმოთქვამენ და მისი ენა სიმართლეს ლაპარაკობს.

8. იობი 21:22

   განა ღმერთს სიბრძნე ესწავლება, როცა ის თვითონ დიდებულთ განიკითხავს?

9. მათეს 13:54

   მივიდა თავის სამშობლოში და ასწავლიდა მათ სინაგოგაში. იქ უკვირდათ და ამბობდნენ: "საიდან აქვს მას ეს სიბრძნე და ძალა?

10. მარკოზის 6:2

    შაბათი რომ დადგა, სინაგოგაში დაიწყო სწავლება. მრავალი მსმენელი გაოცებული ამბობდა, საიდან აქვს ეს ყველაფერი? რა არის ეს სიბრძნე, მას რომ აქვს მიცემული და სასწაულები მისი ხელით რომ ხდება?

11. საქმეები 18:11

    წელიწადნახევარს დარჩა იქ და ასწავლიდა მათ ღვთის სიტყვას.

12. იაკობის 1:5

    თუ რომელიმე თქვენგანს აკლია სიბრძნე, დაე, სთხოვოს ღმერთს, ყველასთვის უხვად და დაუყვედრებლად გამცემს, და მიეცემა

13. ფსალმუნები 26:11

    მიწინამძღვრე, უფალო, შენს გზაზე დამაყენე და სწორ კვალზე გამიძეხი, ჩემი მტრების გამო.

14. ფსალმუნები 24:4

    შენი გზები შემაცნობინე უფალო და მასწავლე შენი ბილიკები.

← ყველა თემა „ს"-ზე