1 ნუ შეეხარბები ბოროტმოქმედებს, ნუ გშურს მათი, ვინც უკანონობას სჩადის. 2 რადგან ბალახივით მალე გახმებიან და მწვანილივით დაჭკნებიან. 3 მიენდე უფალს და ქმენ კეთილი; დაემკვიდრე ქვეყანაზე და მწყემსე სიმართლე. 4 ისიამოვნე უფლის მიერ და ის აგისრულებს გულისწადილს. 5 მიაქციე ღმერთზე შენი გზასავალი, მიენდე მას და ის აღასრულებს. 6 და გამოიტანს ნათელივით სიმართლეს შენსას და შენს სამართალს – შუადღესავით.