1 შვილო ჩემო, თუ მიიღებ ჩემს ნათქვამს და ჩემს მცნებებს დაიუნჯებ, 2 ყურადღებით თუ მოუსმენ სიბრძნეს, შენს გულს მიაპყრობ გონიერებას, 3 თუ გონებას მოუხმობ და აიმაღლებ ხმას საზრიანობისთვის, 4 თუ მიელტვი მას, როგორც ვერცხლს, და ეძიებ მას, როგორც დაფარულ საუნჯეს, 5 მაშინ შეიგნებ უფლის შიშსა და უფლის შეცნობას ჰპოვებ. 6 რადგან უფალი იძლევა სიბრძნეს, მისგანაა ცოდნა და გონიერება. 7 ის აგროვებს საზრიანობას პატიოსანთათვის, ის ფარია უბიწოდ მავალთათვის, 8 ის იცავს სამართლის გზებს და წმიდათა ბილიკებს უფრთხილდება.